儲蓄保險
增值財富
聯絡我們
{{title}}
{{label}}香港地追夢，有人話堅離地。
其實有夢可追，唔係仲貼地咩？
一個麵包，或一個 Metaverse，
都係嚟自一個「想創」嘅心。
想創？
你有諗法，我有辦法！
Cre8 by AIA 全力支持年青人追夢，發揮無限可能，創造自己嘅未來。
我哋除咗提供合共 HK$150 萬嘅 Cre8 起動資金、平台⽀援同曝光機會，
仲請咗嚟自表演創作、設計、飲食、環保及創科組別嘅導師親身指導同分享經驗。
AIA 希望成為年青人背後嘅啦啦隊。
與其仲諗「點解」，不如「想做就做」。
尋找夢想嘅路並唔孤單，等我哋大大力撐你，將你嘅諗法一齊 Cre8 出嚟！
Cre8 大師
游學修 Neo
「試當真」頻道創辦人
表演創作組別
張敬軒 Hins
多元唱作歌手
設計組別
陳塵 Rap
心靈插畫品牌 Dustykid創作人
飲食組別
Grégoire Michaud
Bakehouse 麵包店創辦人
環保組別
韓駿謙 Terence
GreenPrice 社企聯合創辦人
創科組別
陳展俊 Chris
9GAG 聯合創辦人
參加者遞交申請時須年滿18歲或以上，為香港永久性居民並持有有效香港身份證
你嘅諗法要屬於以下五大組別之一：
表演創作
電視、電影、話劇、編劇、多媒體（例如喺 Instagram、Facebook 或者 YouTube 開新專頁或頻道）、音樂、歌曲創作、舞蹈、視覺特效等
設計
平面及圖形、插畫、視覺藝術、時裝、產品（例如珠寶及配飾）、品牌創建及包裝、室內設計、建築、廣告等
飲食
餐飲到會、烹飪（例如各式料理、烘焙、麵包、蛋糕及西點、飲料調製或釀造）、食品加工等
環保
回收、再造、農業、生態、動物或古蹟保育等
創科
任何發明、程式開發、遊戲、應用於教育 / 網絡安全 / 健康 / 金融嘅新科技等
你嘅諗法有幾爆！ |
（佔總評分 30%） |
做唔做到？ |
（佔總評分 30%） |
係咪長做長有？ |
（佔總評分 40%） |
有關詳細嘅評審標準，可以睇吓「Cre8 by AIA」嘅條款及細則第六項。
報名日期 |
2022 年 5 月 24 日 - 8 月 15 日* |
公佈候選名單 |
2022 年 9 月 |
導師指導 |
2022 年 9 月 - 10 月 |
Cre8 頒獎禮 |
2022 年 11 月 |
*成功遞交個人資料及計劃先至完成報名
受條款及細則約束，按此瞭解詳情。
當然可以，參加 Cre8 by AIA 只需要係香港永久性居民並持有有效香港身份證同埋遞交申請時年滿18歲或以上。
不過請留意返，喺遴選過程中，你有機會需要喺香港面試，等我哋了解多啲你嘅計劃，同埋晉級後一定要親身出席活動。
正喎！不如報晒有關嘅組別！ 舉個例，報表演創作組別時，你可以講多啲動畫編劇嘅元素；報設計組別時，不妨多講設計特色；報環保組別時，你可以多講點推動環保。記得再次報名時，喺「自我介紹」寫低第一次報名嘅參考編號，方便我哋認得你。
當然可以啦，但我哋要了解你點樣將你嘅諗法呈現同埋長做長有。雖然 Cre8 起動資金嘅金額暫時不變，唔夠你去開創你嘅夢想，不過你可以解釋清楚點樣去再搵更多資金、增加收入等等令到你可以實行你嘅諗法，說服到評判你嘅諗法吸引同埋方案係可行嘅！
我哋無規定你喺邊一個部份解釋資金用途，但建議你清楚解釋點分配同使用HK＄30萬起動資金，咁會令評判更明白你嘅方案嘅可行性。
你哋可以隨意發揮㗎！舉個例子，如果你想有聲有色咁表達自己嘅諗法，你可以拍YouTube片嚟介紹，又或者，你嘅創作係舞蹈／音樂／影像等, 你都可以拍片俾我哋睇／聽㗎，YouTube短片雖然冇限時，不過唔建議太長。另一個例子，如果你嘅創作涉及圖像或產品設計，你可以交PDF文件，俾我哋睇吓。甚至你想解釋資金分配、推廣計劃等等，可能要用圖表嚟表達，你都可以放落PDF文件度。
點都好，記得保障個人私隱，唔好將個人資料（例如出生日期、電郵、電話等）放落YouTube同PDF文件。
麻煩到你唔好意思。睇情況有可能係：
如果再唔得，我哋唔會放棄你㗎，請你將有關資料嘅文字版電郵至cre8@aia.com, 你嘅個人資料絕對會保密，我哋會幫你輸入資料，你會喺2個工作天內收到確認電郵。
唔使驚，可以檢查一下垃圾郵件。如果喺交完參加表格嘅兩個工作天後都收唔到確認電郵，可以再遞交多次，記得睇清楚你嘅電郵地址係咪正確。
如果都係收唔到電郵，可以去 Instagram（@cre8hk）私訊我哋，並提供你嘅電郵地址同遞交參加表格嘅日期同時間，我哋會幫你跟進。
我哋會詳細閱讀你嘅 proposal，根據以下嘅評分標準去㨂出每個組別嘅最後兩強：
有關詳細嘅評審標準，可以睇吓「Cre8 by AIA」嘅條款及細則。喺遴選過程中，你有機會需要面試，等我哋了解多啲你嘅計劃。
冇錯，而每個組別都有個別嘅導師㗎 ：
而游學修係 Cre8 大師，佢會同最後10位入選嘅參賽者交換經驗㗎！
受條款及細則約束，按此瞭解詳情。
如果有咩問題，歡迎到 Instagram（@cre8hk）私訊我哋。
本網站使用cookies以提升閣下的用戶體驗。閣下可在本公司的 Cookie政策聲明 及 私隱政策聲明 中了解更多關於本公司收集cookies的類型、本公司如何使用此等cookies，以及如何管理閣下的cookies設定的資訊。
